|
- 737 - 1448. Juni 11. Vnsern frundlichen grus zuuor. Erbern, weizen, liebin ................................................ von
herczoge Wlodken wegin dancken wir euch f ........................ vnd ......................................... nsem
herren bisschofe von den sachen zuschreiben vnd zubeten vmb den tag zulegen von herczoge Wlodken vnd ander wegin etc., das haben wir getan vnd bestalt ee das vns ewir briff komen ist vnd wellen dobey vnsern fleis gerne tuen, ouch lieben frunde, als wir denne nehste off mitfasten mit uch vnd ouch den Sweidniczern die sachen von der heller muncze wegen mittenander vorhandilt vnd gewegen haben, das die faste zere obirhand nympt, das vor das armut vnd land vnd stete nichten ist, das man mit solchen munczen offhoren solde vnd abelossen, des wir mittenander off die czeit gancz eyne wurden, vnd ir vns ouch zutuende vnd offczuhoren zusaget, off den tag vsgenomen eyn wening gekretcze vnd desgleichen weidet ir noch vormunczen vnd denne offhoren, solche beredunge wir an vnsern gesworen kawfflute vnd gemeine brocht haben mit euch also abegeredt vnd vorlossen vnd haben doch sint der czeit vornomen, das das nicht gehaldin wirt vnd das ir noch bis doher ye vnd ye ane mittel gemunczt habt vnd noch munczen losset, domite wir ken den vnsern obil volfarn, den wir das gesaget haben vnd bitten euch fruntlichen, ir wellet noch mit solchen munczen offheren, wenne es sicher genug vnd alczuvil ist, als sich das hernochmols finden mag, als wir vns beforen, wenne wie das nicht geschege, musten wir mit arm vnd reich den vnsern zu rate werden, wie wir beswerunge vnd vurates mochten vorkomen vnd entladen werden. Des wellen wir euch gerne dancken, vnd begern des ewer vorschreben antwort. Geben am dinstage vor Viti mart., anno etc. XLVIII°. Orig. Kgl. Bibl. z. Berl. Ms. Boruss. f. 568. No. 29. Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866
Zamknij dokument |
